Цагаач ажилчин хэмээх ойлголт нь өөрийн амьдарч байсан орчин нөхцөлөө орхин харь газар нутаг, улс оронд шилжин суурьшиж, тэндээ ажиллаж буй бүхий л ажилчин иргэдийг хамруулсан ойлголт юм. Өөр улсын харъяалал, иргэншилтэй л болохоос бидний нэгэн адил хүн тул гадаад гэсэн шалтгаанаар тэдний ажлын талбар дээрх үндсэн эрх нь өөрчлөгдөх ёсгүй бөгөөд тэд хөдөлмөрийн хуулийн дагуу эрх тэгш хамгаалагдах бүрэн эрхтэй.
※ Бусад хүмүүс биднийг дуудахдаа хэрэглэдэг олон хэллэгүүд дундаас аль нь биднийг илүү сайн илэрхийлсэн нэршил болж чадаж байна вэ?
▶ Гадаад ажилчин/ ажилчин хэмээх үг ханзаар: (外國人勞動者 / 勤勞者 - foreign worker (Солонгос улсын төр)
- Гадаад хүн хэмээх үг ханзаар: Өөр улсын хүн, биднээс гадна орших хүн, харь нутгийн хүн => ялгаварлан гадуурхсан хандлагатай үг хэллэг
▶ Цагаач ажилчин - 移住勞動者 - migrant worker (Олон улсын хөдөлмөрийн байгуулга ILO, UN) (биднийг хамгийн товч бөгөөд тодорхой илэрхийлсэн нэршил)
- Цагаачлах хэмээх үг ханзаар: Өөрийн амьдарч байсан газраасаа шилжин өөр улс орон руу шилжин суурьшиж амьдрах => Товч бөгөөд тодорхой, дундыг барьсан үг хэллэг
▶ Хууль бус оршин суугч- 不法滯留者 - illegal resident (тохиромжтой бус хэллэг)
- Бид хэн нэгний өмнө “хууль бус” хэмээх үгийг тодотгол болгон хэрэглэсээр ирсэн ба энэ нь уг хүний оршихуй нь өөрөө хууль бус, яг л байх ёсгүй хүн оршин байгаа мэт санагдам хэллэг бөгөөд цаашлаад харьцаж буй нөгөө хүндээ цаагуураа сэжиглэх, хардах сэдлийг төрүүлсэн илэрхийлэл юм. Тиймээс НҮБ болон Солонгос улын хүний эрхийн хорооноос хүний төрмөл эрхэд халдсан дээрх хэллэгийг хэрэглэхгүй байхыг уриалж буй болно.
▶ Бүртгэлгүй цагаач иргэн- 未登錄移住民 - undocumented migrant (Хамгийн тохиромжтой хэллэг)
- Гадаадын иргэн харьяатад бүртгэлгүй байх юмуу өөрөөр хэлбэл тус байгууллагад бүртгүүлэхэд шаардлагатай материалыг бүрдүүлэх боломжгүй гэсэн үг юм. Тиймээс хууль бус хэмээх хэллэгийн оронд бүртгэлгүй хэмээх хэллэгийг хэрэглэж занших нь илүү тохиромжтой. Нэгдсэн үндэсний байгуулга(UN), Олон улсын цагаачлалын байгуулга(IOM) зэрэг олон улсын байгуулга болон Солонгос улсын хүний эрхийн хорооноос “Бүртгэлгүй” хэмээх хэллэгийг хэрэглэхийг уриалж буй болно.